Cerca nel blog

i Quaderni di Bandiera Rossa "La Storia è finita" di Norberto Fragiacomo
.

giovedì 6 settembre 2012

Noam Chomsky a Trieste!

 
 
 
Noam Chomsky a Trieste!
 
Se impiza la cità, co riva Chomsky:
tuti che cori e se prenota svelti,
fiumi de gente fora del Rossetti
che frizi, la se infervora, domanda.
 
Ne conterà ben lui quel che sucedi,
che ‘l ga studiado, che ‘l capissi tanto:
perché ‘sto slavazon che no finissi,
scarsele svode e strenta a le pensioni?
 
Dentro la sala calerà ‘l silenzio,
co ‘l gran veceto el varderà inte i oci
‘sto mucio de signori e povereti.
Forsi ‘l dirà, savè, no son ‘l messia,
 
anche se parlo s’ceto, go coragio,
e la mia scienza no la go svenduda.
Doman sarò za via, scolteme atenti:
no basta un omo per cambiar ‘sto mondo,
 
ma voi podessi farlo, tuti insieme.
Uscì de casa, per trovarve in piaza,
studè ‘l televisor, sveiè la testa:
fatti non foste a viver come bruti.
 
Diriti pretendè, quei che ve speta,
disè la vostra su acqua e le pensioni,
sui ospedai che i ve sera per far posto
nei hangar a fiamanti bombardieri.
 
Chè la democrazia no xe un presente,
xe un impegno, la lota de ogni giorno,
e se no ve movè, e Trieste dormi
per vù e pei vostri fioi la vedo dura.
 
N.F.
 

Nessun commento:

Stampa e pdf

Related Posts Plugin for WordPress, Blogger...